Путин неделава може да објави анексија на окупираните региони на Украина, тврди Британија
Постои „реална можност“ рускиот претседател Владимир Путин да објави анексија на окупираните региони на Украина кога ќе се обрати во рускиот парламент во петок, велат од британското Министерство за одбрана, пренесува Би-Би-Си.
Во окупираните области во земјата веќе неколку дена се одржуваат референдуми кои треба да завршат денеска.
Latest Defence Intelligence update on the situation in Ukraine – 27 September 2022
Find out more about the UK government's response: https://t.co/xG1CgXqeKM
🇺🇦 #StandWithUkraine 🇺🇦 pic.twitter.com/schw2ockbs
— Ministry of Defence 🇬🇧 (@DefenceHQ) September 27, 2022
Украина и Западот велат дека резултатот е веќе одлучен од Кремљ и ќе се користи како изговор за нелегално присвојување на териториите.
„Руските лидери речиси сигурно се надеваат дека секоја најава за пристапување ќе се смета за оправдување на „специјалната воена операција“ и ќе ја консолидира патриотската поддршка за конфликтот“, соопшти Министерството за одбрана.
Но, се додава дека оваа надеж „најверојатно ќе биде поткопана од зголемената домашна свест за неодамнешните уназадувања на бојното поле на Русија и значителниот гнев кај Русите за делумната мобилизација“.