Владимир Путин, ќе може да се кандидира по петти пат за претседателската функција и по 2024 година. Тоа го дозволуваат усвоените измени на Уставот кои во руската дума поминаа со поддршка од 383 пратеници. За ваквата можност воздржани одтанаа 43 народни избраници, но ниту еден не се изјасни против.

Со тоа се зголемува можноста тој да остане на власт до 2036 година, а потоа повторно да биде реизбран за шест години. Сега уставните измени треба да бидат одобрени од Уставниот суд, а за 22 април е закажан и референдум за ова прашање.

Путин кој е на власт повеќе од 20 години, го поддржа предложениот уставен амандман.