Пулишиќ во Милан за 10 заминување од Челси: „Сините“ со заработка од 240 милиони евра
Досегашниот напаѓач на Челси, Кристијан Пулишиќ најверојатно ќе ја продолжи кариерата во Милан, пренесува новинарот Фабрицио Романо. Се финализираат и последните детали за трансферот од 20 милиони евра кој се очекува наскоро да биде реализиран.
Според информациите американскиот крилен фудбалер, за чии услуги интерес покажа и Лион, ќе потпише повеќегодишен договор со „росонерите“. И самиот Пулишиќ има желба да се пресели во Милан каде го чека Рубен Лофтус-Чик кој исто така играше за „сините“.
Во летото 2019 во Лондон репрезентативецот на САД пристигна за 64 милиони евра од Борусија Дортмунд. На „Стемфорд Бриџ“ воглавно беше во втор план, на 145 настапи запиша 26 голови и 21 асистенција.
Christian Pulisic to AC Milan, here we go! Deal in place between clubs as Chelsea accepted conditions of final bid. 🔴⚫️🇺🇸 #ACMilan
Personal terms agreed weeks ago as the player only wanted Milan — pushing for this new chapter.
Medical/travel being scheduled. pic.twitter.com/E49z8U4dVB
— Fabrizio Romano (@FabrizioRomano) July 7, 2023
Со неговото заминување продолжува егзодусот од Челси, откако сопственикот на клубот, Тод Боли реши да го распродаде речиси целиот тим ова лето. До сега си заминаа Каи Хаверц, Мејсон Маунт, Матео Ковачиќ, Калиду Кулибали, Едуард Менди, Тиему Бакајоко, Рубен Лофтус-Чик, Нголо Канте и Сезар Аспиликуета.
Лондонските „сини“ заработија 220 милиони евра, а Пулишиќ таа сума ќе ја зголеми на 240.