Прво гренд слем полуфинале за Ник Кирјос
Австралискиот тенисер Ник Кирјос за прв пат во својата кариера ќе игра во полуфинале на гренд слем турнир откако денеска во три сета го совлада Чилеанецот Кристијан Гарин во четвртфиналето на Вимблдон.
Кирјос за два часа и 15 минути тенис со 6:4,6:3,7:6 го победи Кристијан Гарин од Чиле и потврди дека се наоѓа во одлична форма.
Ова беше 12 победа во 14 меч на трева годинава и стана првиот полуфиналист што не е носител од 2008 година кога таков успех остварија Рајнер Шутлер и Марат Сафин.
Кирјос одигра одличен меч, му дозволи на противникот да направи само еден брејк, додека тој три пати го одзеде сервисот на Гарин, а притоа имаше и 17 ас сервиси.
Највозбудливо беше во третиот сет во кој и двајцата тенисери беа ситурни на свој сервис поради што мораше да се игра тај-брејк во кој австралискиот тенисер беше подобар и на крајот сосема заслужено обезбеди пласман во полуфиналето.