Продажбата на ФК Брегалница е успешно завршена
После седницата на Совет на Општина Штип имаше јавен повик на кој што се бараше да се видат сите заинтерсирани субјекти коишто ќе сакаат да бидат сопственици на ФК „Брегалница 2008“ со поддршка од Општина Штип.
– На задоволство на сите во Штип успешно е реализирана одлуката на Советот на општината за продажба на Брегалница која оди во рацете на Кирил Гогов како сопственик на клубот. Искрено, силно верувам во новиот сопственик кој може и умее да ја изгради Брегалница во фудбалски бренд кој успешно ќе се врати на прволигашката сцена. Да посакаме и сите заедно за две години 100-годишнината од постоењето на клубот да ја прославиме со настап во европските купови. Кирил Гогов е успешен бизнисмен кој не случајно минатата година беше прогласен за најдобар спортски работник на Штип. Сакам да информирам дека Општината и натаму ќе продолжи со поддршка на Брегалница – изјави градоначалникот на Општина Штип, Благој Бочварски.
Целта на фудбалскиот клуб Брегалница 2008 ќе биде да се врати во најквалитетното македонско фудбалско првенство.
– Тука сме за спортски успеси на радост на сите во градот. Од срце ќе направам се Брегалница да се врати повторно во прволигашкото друштво, а потоа да размислуваме и за нешто повеќе во иднина – додаде новиот акционер Кирил Гогов.