Претседателот Пендаровски утре во официјална посета на Австрија – Слободен печат
ВестиМакедонија

Претседателот Пендаровски утре во официјална посета на Австрија

Според агендата, претседателот Пендаровски ќе одржи предавање на Дипломатската академија во Виена на тема „Преспанската спогодба – нетипично решавање спор на Балканот".

Претседателот на Република Северна Македонија, Стево Пендаровски утре ќе престојува во официјална посета на Република Австрија, соопшти неговиот кабинет.

Во Виена, претседателот Пендаровски со највисоки државни и воени почести ќе биде примен од сојузниот претседател Александер Ван дер Белен, а ќе оствари билатерални средби со сојузната канцеларка Бригит Биерлејн и со претседателот на Националниот совет на Сојузното собрание на Република Австрија, Волфганг Соботка.

Според агендата, претседателот Пендаровски ќе одржи предавање на Дипломатската академија во Виена на тема „Преспанската спогодба – нетипично решавање спор на Балканот”.

За време на официјалната посета на Република Австрија, претседателот Пендаровски ќе биде придружуван од сопругата Елизабета Ѓоргиевска.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close