ПРЕКРШЕН ИЗБОРНИОТ МОЛК – ЦИВИЛ го забележа првиот случај
ЦИВИЛ првиот случај за прекршување на изборниот молк го забележа во Штип.
Подмладокот на една политичка партија што поддржува еден од кандидатите за претседател на Република Северна Македонија, организира забавен настан во градот, со почеток во 21 часот.
Присутните активисти на партијата, по полноќ, во изборен молк, скандираат со името на партијата, а на присутните гости им се делат ваучери за бесплатен пијалок со симболи на партијата што се доведуваат во врска со самата кампања.
Според ЦИВИЛ, ова е грубо кршење на изборниот молк, за што постојат фотографии и видео снимки кои ќе им бидат дадени на увид на институциите, доколку искажат намера да постапуваат по овој случај.