Синоќа на булеварот Партизански одреди во Скопје се случила сообраќајна незгода во која возило „ауди“ со скопски регистарски ознаки, кое по незгодата напуштило лице место, удрило во 15 годишен пешак од Скопје.

Министерството за внатрешни работи информираше дека сообраќајната се случила во 20,00 часот, а за неа се пишуваше и на твитер.

Вечерва некој храбар со ауди а8 го удри внук ми на пешачки и кидна
Се надевам ќе има природна рамнотежа и ќе си плати гадот

— Lilith (@Sanjichak_) March 21, 2021

Од полицијата информираат дека по  незгодата пешакот бил пренесен во Комплекс клиники „Мајка Тереза“ каде му биле констатирани тешки телесни повреди.

На местото на настанот извршен е увид од СВР Скопје. Известен е јавен обвинител и се преземаат мерки за расчистување на случајот.