Долгоочекуваниот реванш боксерски меч во тешка категорија помеѓу Олександр Усик и Ентони Џошуа ќе се одржи на 20 август.

Градот во кој Усик ќе ги брани титулите ВБА, ВБО и ИБФ верзиите во тешка категорија против Џошуа ќе биде Џеда, Саудиска Арабија.

Џеда е вториот најголем град во Саудиска Арабија, а мечот ќе се одржи во „Џеда Супер дом“ стадионот кој има капацитет од 35.000 гледачи.

Првично мечот требаше да се одржи пред осум месеци, но мораше да биде одложен поради руската инвазија врз Украина поради што Усик одбиваше да ја напушта земјата и одредено време беше дел од територијалната одбрана на својата земја. Сепак, во април Украинецот ја напушти земјата и ги започна подготовките за мечот против Џошуа.

Првиот меч се одржа на 25 септемви 2021 година во Лондон и на него славеше Усик на поени.