Општинскиот штаб за заштита и спасување во Струмица денеска донесе одлука сите зелени пазари да се отворат за продажба на земјоделски и прехранбени производи, но со посебни услови за работа заради вонредните околности со коронавирусот, соопштија од општина Струмица.

Во соопштението се вели дека Јавното претпријатие за комунални дејности „Комуналец” врши постојана дезинфекција, а поставени се и редари за максимално почитување на посебните услови. Сите продавачи треба да носат заштитни маски и ракавици, а истите заштитни мерки важат и за купувачите.

Со одлуката во Струмица се отворени Пазарот на големо и пазарите на мало „Чешел” и „Кантон”.