Повторно активиран пожарот кај охридските села Вапила и Сирула
Повторно активиран пожарот меѓу охридските села Вапила и Сирула, соопшти вечерва Центарот за управување со кризи.
Според информацијата, пожарот се активирал околу 19 часот, но нема опасност по населението.
– Пределот е карпест со ниска вегетација, но нема сериозна опасност за луѓе и материјални добра, теренот е непристапен. На лице место се присутни претставници од ДСЗ и вработени од јавното претпријатие Национални шуми, кои моментално вршат обиколки и проценка на состојбата, стои во информацијата на ЦУК.
Претходно ЦУК излезе со информација дека пожарот е целосно изгаснат.
Според јавното претпријатие Национални шуми, зафатена е поголема површина нискостеблеста дабова шума, а направената штета дополнително ќе ја проценуваат.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот