Поради компјутерска грешка не работат голем број бензински пумпи во Иран
Речиси 70 отсто од бензинските пумпи во Иран престанаа да работат поради компјутерска грешка, соопшти денеска министерот за нафта Џавад Ојви, пренесува Ројтерс.
Најмалку 30 отсто од бензинските пумпи работат, а останатите постепено ги решаваат прекините во сервисот“, објави Овји на телевизија. Од утрово голем број пумпи низ Иран, особено во главниот град, престанаа да работат.
„Потврден е софтверски проблем во системот за гориво на некои станици низ земјата, а експертите во моментов го решаваат проблемот“, рече Реза Навар, портпарол на Асоцијацијата на ирански бензински пумпи.
Државната новинска агенција Фарс пишува дека не е исклучена можноста за сајбер напад. Таков напад се случи на крајот на 2021 година, кога беше прекината продажбата на гориво и се формираа огромни редици низ цел Иран. Техеран потоа ги обвини Израел и САД.