Росомак, подружница на Полската група за вооружување, објави дека првата серија „Легван“ лесни извидувачки возила пристигнала во Полска од Јужна Кореја.

Овие возила, локално адаптирани верзии на лесното тактичко возило „KLTV“, се дел од иницијативата за набавка, започната од Полска во 2023 година, со која беа нарачани 400 „Raycolt KLTV“ од Јужна Кореја. Поголемиот дел од овие возила се планирани за локално производство помеѓу 2024 и 2030 година, пренесува „defence-blog“.

Овие возила нудат разновидни опции за вооружување, вклучително и поставување митралез од 7,62 mm или 12,7 mm или автоматски фрлач на гранати од 40 mm.

Како што се очекуваше, овие возила имаат ново надградена шасија прилагодена на специфичните барања на полските клиенти.

„Kia Light Tactical Vehicle“, потекнува од јужнокорејската „Kia Motors“ и беше воведен во целосно производство во 2016 година.

Дизајниран да ги задоволи оперативните потреби на вооружените сили на Јужна Кореја, „KLTV“ доби поддршка и финансирање од Корејското Министерство за национална одбрана за време на неговата развојна фаза.

Во моментов, „Kia KLTV“ е во служба на вооружените сили на Република Кореја и Мали, покажувајќи ја својата разновидност и доверливост во различни оперативни средини.

Се користи во мировните мисии на ОН во Либан и Јужен Судан од страна на Јужна Кореја, додека вооружените сили на Мали го распоредуваат за операции против бунтовниците.