Полициски службеници од Единицата за насилен криминал денеска извршија претрес во дом и помошни простории кај А.М. (37) со престојувалиште во скопското село Варвара.

Лицето се сомничи дека извршило кривично дело „предизвикување општа опасност“ што е казниво по член 288 од КЗ на РСМ на 4 јануари оваа година, кога на улица „Јабланица“ во Скопје било опожарено патничко моторно возило „aуди А4“ со скопски регистарски ознаки.

Oд пожарот било зафатено уште едно патничко моторно возило „форд мондео“. При извршениот претрес, кај А.М. е пронајден и одземен пиштол, рамка со куршуми како и поголема количина на куршуми за кои истиот не поседувал одобрение. Лицето е лишено од слобода.

По целосно документирање на случајот против него ќе биде поднесена соодветна пријава.