Полициска акција во северно Косово, уапсени две лица осомничени за убиството на Оливер Ивановиќ (ВИДЕО) – Слободен печат
ВестиРегион

Полициска акција во северно Косово, уапсени две лица осомничени за убиството на Оливер Ивановиќ (ВИДЕО)

100 полицајци учествувале во оваа акција, при што биле уапсени две лица.

Специјалната едница на Косовската полиција, денеска во раните утрински часови започна акција во српските општини на Косово, при што биле уапсени две лица. Косовапрес пренесува дека лицата се уапсени по наредба на Специјалниот суд и се осомничени дека се вклучени во убиството на Оливер Ивановиќ.

Еден од уапсените е Раде Басара, полициски истражител од Косовска Митровица. Тој ја водел истрагата за убиството на Оливер Ивановиќ и е осомничен за прикривање на докази. Според извори на Косовапрес, полицијата сакала да уапси и трето лице, Жељко Бојиќ, шеф на оперативната полициска служба за регионот на Северна Митровица.

Уапсените биле пренесени во Приштина, додека во овие моменти акцијата продолжува во општината Лепосавиќ. Истиот медиум го контактирал заменик-директорот на Полицијата во Северна Митровица, Бесим Хоти, но тој не открил детали, велејќи дека акцијата била предводена од официјална Приштина.

Инаку, околу 100 полицајци учествувале во оваа акција.

Оливер Ивановиќ, поранешен министер и пратеник во косовското Собрание беше претседател на СДП, а беше убиен на 16 јануари 2018 година.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close