Туниската полиција денес ги окупираше просториите на агенцијата Ал Џезаира во главниот град на Тунис и ги протера сите вработени, откако агенцијата ја нарече преврат одлуката на претседателот за соборување на владата.

Најмалку 10 вооружени полицајци влегоа во канцелариите на агенцијата без налог за претрес и тврдејќи дека ги извршувале наредбите на судските органи, пренесува Ал Џезаира.

Телефоните на вработените и друга опрема за пријавување беа одземени, а на вработените не им беше дозволено да се враќаат во зградата заради нивните лични работи.

Тунискиот претседател Каис Сајед вчера го суспендираше парламентот и го ослободи од должноста премиерот Хишам Мешиши, што неговите политички противници го осудија како напад врз демократијата, додека други го поздравија со прослава на улиците.

Сајед рече дека ќе ја преземе извршната власт со помош на новиот премиер откако избувнаа насилни протести во неколку туниски градови, поради непостапување на владата за време на пандемијата и поради лошата економија.