Почнува наплата на патарина низ Грделичка клисура во Србија – Слободен печат
ВестиРегион

Почнува наплата на патарина низ Грделичка клисура во Србија

Патарината за патнички возила ќе изнесува 540 динари или околу 4,5 евра.

Од сабота ќе започне наплата на патарина и на нововотворената делница низ Грделичката клисура, на автопатот Е-75 од Дољевац до Прешево кон Северна Македонија, соопштија од Јавното претпријатие „Патишта на Србија“.

Патарината за патнички возила ќе изнесува 540 динари или околу 4,5 евра. Патарината, ќе почне со работа в сабота на 15 јуни, во 12 часот, а за автобуси ќе изнесува 1.620 динари и за камиони 3.240 динари.

Како што пред десет дена најави директорот на „Патиштата на Србија“ Зоран Дробњак, српската Влада го прифатила барањето за зголемување на цените на патарината за автопатиштата низ Србија за 12 отсто, а новите цени ќе стапат во сила од 1 јули.

Според ова, возачите од Северна Македонија кои патуваат од Прешево до Белград со автомобил, од 1 јули со новата патарина низ Грделичка клисура од 540 динари и со покачување на цените од 12 отсто, ќе плаќаат во еден правец 1.740 динари или речиси 15 евра.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close