Утринава почна примопредавање на предметите од СЈО во ОЈО. Формирана е Комисија од сите обвинители во ОЈО и очекувам до крајот на денот да ги преземеме предметите. Откако ќе ги добиеме предметите, ќе има попис на списи дали одговара со содржината на предметите по што ќе се одлучи за надлежноста на предметите. До тој момент сите предмети остануваат кај обвинителите во СЈО, рече по денешната средба во специјалното обвинителство републичкиот обвинител Љубомир Јовевски.

– На сила се сите безбедносни мерки за предметите. Се што ќе остане тука ќе се запази целата процедура. Ние не го тангираме статусот на СЈО. Вработените си остануваат во СЈО и за нив треба соодветно да се реши нивниот иден работен однос – рече Јовевски.

За писмата од Јанева тој рече дека воопшто не се доведува исправноста на писмата.