Почна проектот „ТВ училница“
На програмата на МРТВ предвидено е наставници да предаваат лекции кои во овој период требаше да бидат совладани согласно со наставните планови и програми.
Македонскиот национален сервис од денеска почна со емитување на едукативна програма на трите канали. „ТВ училница“ е предвидено да емитува едукативни содржини по предметите кои учениците ги изучуваат во училиште.
Првата емисија на македонски јазик почна во 10.30 часот на МТВ 1, а во 12.15 часот на МТВ 2 ќе следи програма на албански јазик.
На програмата предвидено е наставници да предаваат лекции кои во овој период требаше да бидат совладани согласно со наставните планови и програми, а за децата од претшколска возраст ќе се емитуваат едукативни емисии и приказни согласно со нивната возраст.
Првата тема е посветена на хигиената затоа што, како што соопшти МОН, таа е секогаш исклучително важна, но особено во овој период мора да биде подигната на највисоко ниво.