Почина Жилиет Греко, икона на француската шансона

Жилиет Греко, икона на француската шансона, почина денеска во 94 година од животот, соопшти нејзиното семејство.

– Жилиет Греко почина опкружена со своите сакани и во својот дом во Раматие. Имаше искчлучителен живот, наведоа роднините.

Кон средината на 40. години од минатиот век, романописецот Роман Кено и филозофот Жан Пол Сартр ги напишаа песните што и го донесоа првиот голем успех на Греко во нејзината блескава кариера. Пееше песни на Жак Превер, на Бертолд Брехт, на Борис Вијан, на Франсоа Саган и на Серж Гензбур.

По настапите во легендарните париски кабареа, замина за Њујорк каде стекна светска слава. Во автобиографијата „Жижиб“, нејзин прекар од детството, таа пишува за апсењето на нејзината мајка и сестра во Втората светска војна поради што и политички се ангажирала.

Прочитајте и...  Единаесет лица ја загубија битката со коронавирусот во Грција, 438 новозаразени

На концерт во Чиле, во 1981 година во ерата на Августо Пиноче, се осуди да пее само забранети песни, а по настапот, во придружба на чилеански војници, беше отпратена до аеродромот во Сантијаго и со првиот авион беше вратена во Франција.

По бракот со џез трубачот Мајлс Дејвис, Греко имаше уште неколку. Се омажи со актерот Филип Лемер, потоа со Мишел Пиколи и на крај со Жерар Жуан. Во 2015 година одржа проштална турнеја што ја нарече „Мерси“ и која траеше 12 месеци. Во животот доби и две улоги на филмското платно – во филмовите „Орфеј“ во 1950 година на Жан Кокто и осум години подоцна во „Добар ден таго“ на Ото Премингер.

Прочитајте и...  Монтажните болници ќе доцнат, пандемијата гори

Поврзани вести

Исламисти ослободија 900 осуденици од затвор во ДР Конго

Илинка Иљоска

Заев: Бугарија не бара промена на Уставот

Михаило Донев

Словенија би можела да испрати војска на границата со Хрватска

Илинка Иљоска

Хоти ги започнува процедурите за отворање на амбасадата во Израел

Илинка Иљоска

Училиштата се известени за начинот на оценување, првите оценки до 20 ноември

Слободен печат

ВО ЖИВО: Изјава на премиерот Заев по научната конференција за македонскиот јазик

Слободен печат

Остави Коментар