Клод Руиз-Пикасо, син на шпанскиот сликар Пабло Пикасо, почина во Швајцарија на 76-годишна возраст, потврди неговиот адвокат Жан-Жак Нојер во изјавата испратена до АФП во четвртокот, без да наведе причина за смртта.

Клод беше фотограф, графички дизајнер и филмски работник. Од 1989 година, синот на Пикасо управуваше со наследството на сликарот. Во јули објави дека заминува во пензија и дека задолженијата ѝ ги препушта на сестрата Палома.

Пабло Пикасо имаше четири деца. Највозрасниот син е Пауло, роден во врската со Олга Хохлова, кој почина во 1975 година. Потоа Маја, ќерка на Мари-Тереза ​​Валтер, која почина во 2002 година. Клод и Палома се родени во врската со Франсоаз Жило.

Клод Руиз-Пикасо зад себе ја остави сопругата Силви Вотиер и две деца.