Во суштина лустрацијата значи едно проветрување, прочистување, односно едно лице кое што правело зло со своето кодошење, да не дојде на некоја функција и да ја продолжи активноста која ја имало. Она што е пишано во материјалите кои тие ги добиваат во ниеден случај не значи дека е 100 отсто вистина, рече Владимир Пивоваров, национален координатор на граничното интегрирано управување во емисијата „Утрински брифинг“ на „Слободен печат“.

– За појаснување материјалите кои што ги добиваа се креирани од агенти, службеници, надворешни служби. Не може разговор во кафеана со пријател да се пише и сфати како доказен материјал за утре да бидете лустрирани, изјави во „Утрински брифинг“ Пивоваров.