Пицула: Честитки до македонските пријатели во СДСМ и до Зоран Заев кои одржаа дигитален конгрес
Хрватскиот европратеник Тонино Пицула го поздрави одржувањето на онлајн – конгресот на СДСМ и донесувањето одлука за целосна родова еднаквост и учество на мажите и жените во органите и телата на партијата.
-Честитки до македонските пријатели во СДСМ и до Зоран Заев кои одржаа дигитален конгрес. Го избраа вистинскиот пат за да се спроведат прогресивни промени и да се оди напред. Ја поздравувам силната иницијатива за клучното учество на жените и на младите при донесувањето на одлуки- напиша Пицула на Твитер.
Congratulations to ?? friends at @SDSMakedonija @Zoran_Zaev who held their digital congress today. They chose the right way to implement progressive changes and go forward. I welcome the strong push for the crucial participation of women and youth in decision-making processes.
— Tonino Picula (@TPicula) October 25, 2020
Лидерот на СДСМ, Зоран Заев вчера на 25. Конгрес на партијата, кој е и прв дигитален конгрес во земјава, потсети на домашните успеси кои, како што рече, преку политики отворени кон и за сите граѓани успеа сериозно да ги зголемат платите во нашата држава.
СДСМ, рече Заев, е првата партија во нашата држава која на следниот конгрес својот претседател ќе го бира на директни внатрепартиски избори, непосредно секој член ќе може да гласа и директно да одлучува кој и како ќе ја води партијата.