Пет јавни места на кои можете најмногу да се заразите со грип
Зимата е веќе тука, од денска и официјално почна, постои и поголем ризик од заразување со грип или вирус.
Според податоците на Националниот институт за здравство (НИХ), вирусот на сезонски грип само во САД хоспитализира повеќе од 200.000 луѓе и убива повеќе од 36.000 луѓе годишно.
Вообичаените симптоми на грип вклучуваат треска, кашлица, замор, морници и болки во мускулите, а компликациите може да доведат до опасни по живот состојби како воспаление на белите дробови (пневмонија).
Додека минатите сезони на грип и пандемијата на ковид-19 нè научија како да останеме здрави и да водиме дополнителна гриажа за хигиената, како што е внимателно миење на рацете, сè уште има многу места каде што шансите за потенцијално да се заразите со вирусот се значително повисоки од другите.
Училишта и градинки
Училиштата и градинките се познати по циркулирачките болести, а ниту грипот не е исклучок. Близината и интеракцијата со учениците создаваат средина поволна за пренос на грип. Сите деца имаат заеднички играчки, многу групни активности, а во оваа возрасна група има многу бактерии.
Поттикнувањето на редовното миење на рацете, промовирањето на вакцинацијата и информирањето на заедницата за сузбивање на грипот се клучни чекори во заштитата на учениците и наставниците.
Јавен превоз
Без разлика дали сте во автобус, воз или такси, метежите и површините чувствителни на допир ја зголемуваат веројатноста дека ќе заболите од грип. Блискиот контакт со патниците и седењето на исти седишта без нивно чистење меѓу патниците значително го зголемува ризикот од инфекции.
Физичкото растојание кога е можно и употребата на средства за дезинфекција на рацете може да им помогне на патниците да го намалат ризикот од добивање грип.
Канцеларии и работни места
Не е тајна дека канцелариските простори и заедничките работни простории можат да бидат потенцијални жаришта за вируси и бактерии. Тесно соработувате со другите на работа, што значи дека сте во исти или во блиски простории и често споделувате простори како соби за состаноци и за паузи.
Редовното чистење на заедничките простории, пружањето на можности за работа на далечина кога тоа е можно и поттикнувањето на болните вработени да останат дома се клучни за создавање на работно место отпорно на грип.
Вежбални
Додека фитнес центрите и групните часови за вежбање се насочени кон промовирање на здрав начин на живот, тие исто така можат да ве изложат на грип. Заедничката опрема за вежбање и непосредната близина во текот на тренингот создава средина во која вирусот на грип може брзо да се шири.
Бришењето на опремата пред и по употреба и изборот на помалку метеж за тренинг може да ви помогне да ја одржите вашата фитнес рутина без да го загрозите здравјето.
Авион и аеродром
Додека патувањето на нови дестинации е возбудливо, аеродромите и авионите можат да бидат легло на вируси. Затворените простори и близината до сопатниците го зголемуваат ризикот од изложеност.
Практикувањето на добра хигиена на рацете, носењето маски и избегнувањето допирање на лицето може да ви помогне да ги намалите шансите да добиете грип додека патувате.