Вашингтон со години има тајна единица за истражување на неидентификувани летачки објекти (НЛО), а наскоро ќе го објави тоа што го откриле. Според неодамнешен извештај на „Њујорк Тајмс“, Пентагон веќе 10 години наназад анализира различни средби меѓу пилоти на американската воена авијација и неидентификувани летала.

Иако главниот штаб на Министерството за одбрана на САД неодамна објави дека тајната програма е распуштена, извештајот на одборот на Сенатот од минатиот месец откри потрошувачка на извесна сума на пари на програма која се вика „Неидентификуван воздушен феномен“. На крајот на јуни било објавено дека американскиот сенатор Марко Рубио побарал детална анализа на откривањата на работната група.

Despite Pentagon statements that it disbanded a once-covert program to investigate UFOs, it was in fact renamed and tucked inside the Office of Naval Intelligencehttps://t.co/gwws2HUQy7

— The New York Times (@nytimes) July 24, 2020

Во извештајот се наведува дека одборот ги подржува напорите на работната група за собирање на податоци за „неидентификуван воздушен феномен, како и нивните врски со странските влади и потенцијални закани“.

Сега се очекува тајната работна група да ги објави новите откритија кои би можеле да ги опфаќаат леталата направени од материјали кои не се од оваа планета, пренесува Њујорк тајмс.

Иако Пентагон тврдеше дека ја распуштиле својата тајна програма уште во 2012 година, изгледа дека програмата е само преместена и преименувана.