Пандемијата на ковид-19 длабоко влијаеше на менталното здравје на децата и адолесцентите
Фактори кои влијаат се затворањето на училиштата и здравствените искуства поврзани со ковид-19 во семејството или заедницата
Пандемијата на ковид-19 длабоко влијаеше на менталното здравје на децата и адолесцентите, заклучија истражувачи врз основа на анализа на резултати од претходни 17 научни студии.
Студиите објавени во 2020 и 2021 година открија невообичаено високи стапки на анксиозност, депресија, нарушувања на спиењето, самоубиствено однесување, нарушувања поврзани со стрес, нарушување на хиперактивност со дефицит на внимание и други проблеми со менталното здравје кај децата и адолесцентите за време на пандемијата.
Овие студии покажаа дека индивидуалните хобија, молитви и слушањето музика се поврзани со позитивни ефекти врз менталното здравје на младите.
Дерматолог ги сподели најголемите грешки кои ги правиме во април и во мај
„Проблемите со менталното здравје беа почести кај оние со низок социо-економски статус, со исчезнати социјални врски и децата без поддршка, кои живеат во лоши семејни односи и со ограничена подвижност“, рече д-р М. Махбуб Хосеин од Универзитетот во Тексас кој е коавтор на извештајот објавен оваа недела на веб-страницата „medRxiv„ пред научниот преглед..
„Фактори кои влијаат на појавата на овие проблеми беа, меѓу другото, затворањето на училиштата и „здравствените искуства поврзани со ковид-19 во семејството или заедницата“.
„На многу места, поддршката за ментално здравје во училиштата и заедницата и другите услуги за ментално здравје станаа недостапни или непостоечки, што им отежнува на децата и адолесцентите да добијат навремена поддршка за ментално здравје“, рече Хосеин.
Тој додаде дека има потреба од „мултидисциплинарни напори за ублажување на непосредните и идните здравствени и социјални последици“ од пандемијата врз менталното здравје на децата и тинејџерите.
Повеќе од половина од светот страда од ова нарушување, покажа анализата на бројни студии