Грчката Агенција за приватизација ТАИПЕД добила осум изјави за интерес за продажба на мнозинскиот пакет акции во пристаништето Волос, пренесува грчки Катимерини.TAИПЕД го иницираше процесот на продажба за најмалку 67 проценти од Капетанијата на пристаништето Волос во октомври.

Заинтересирани страни се: Адванс Пропертис; ГЕК Терна; конзорциумот на Голдеар Карго и Голдеар Хендлинг; конзорциумот на Интракат и ТЕКАЛ; конзорциумот на Израел Шипјардс Индустрис и Хеленик Халгургиа; Маринер Капитал; КјуТерминали; и Капетанијата на пристаништа во Солун (OЛТХ).

Главните активности на Капетанијата на пристаништето Волос вклучуваат товарни и контејнерски услуги, челик и старо железо, суви и влажни рефус карго и патнички услуги, вклучително и фериботи до островите Споради, како и активности за крстарење, се вели во извештајот.