Омилениот летен десерт: Тарт со праски
Праските не само што се одлична храна полна со витамини и минерали, тие се толку вкусни што и најобичниот бисквит ќе го претворат во вистинско мало гастрономско искуство за сите сетила. Наша препорака е денес да подготвите еден лесен и вкусен тарт со праски во кој ќе ужива целото семејство.
СОСТОЈКИ:
– 4 жолчки
– 100 гр шеќер
– 2 кесички ванилин шеќер
– 100 гр брашно
– 1/2 кесичка прашок за пециво
– 7 белки
– 70 гр путер
– 250 гр праски
– шеќер во прав
ПОДГОТОВКА:
Измаете ги жолчките, шеќерот и ванилиниот шеќер, а потоа измешајте ги со брашно измешано со прашокот за пециво. На крај, нежно соединете со добро изматените белки и стопениот путер. Префрлете ја смесата во намрсен и набрашнет калап за тарт, па наредете ги излупените половини од праски и печете околу половина час на 180 степени. Испечениот тарт посипете го со шеќер во прав и послужете.
Добар апетит!
