Официјално: Кристијан Пулишиќ е нов фудбалер на Милан
Денеска Милан објави дека ново летно засилување е Кристијан Пулишиќ кој доаѓа од редовите на Челси.
Американското крило официјално потпиша договор со „росонерите“ кој ќе трае до 30 јуни 2027 година, со опција за продолжување на истиот до 30 јуни 2028 година.
Професионалната кариера ја почна во Борусија Дортмунд во чии бои дебитираше за првиот тим во јануари 2016 и запиша 19 голови во 127 настапи. Со „црно-жолтите“ успеа да се закити со еден трофеј во Купот на Германија.
Во јануари 2020 се пресели на „Стемфорд Бриџ“, вкупно 145 пати го носеше дресот на лондонските „сини“, забележувајќи 26 голови, и освојувајќи по една титула во Лигата на шампионите, УЕФА Суперкупот и ФИФА Светското клупско првенство.
За најдобрата репрезентација на САД има 60 настапи со реализирани 25 погодоци.
Official, confirmed. Christian Pulisic is new AC Milan player. 🔴⚫️🇺🇸 pic.twitter.com/IZtoDriVKv
— Fabrizio Romano (@FabrizioRomano) July 13, 2023