Струмица 47&72 го совлада Штип УГД со 3:1 (25:18, 15:25, 25:17, 25:15) во третиот натпревар од финалето во машкото одбојкарско првенство на Македонија и поведе со 2-1 во серијата до три победи.

Во салата „Парк“, бранителот на ланската круна не дозволи изненадување, ја задржа предноста на домашниот терен и е чекор до 11 шампионски пехар, 10-ти од 2012 година до сега.

Конор Хенкс запиша 18 поени за струмичкиот состав, Саад Омхени заврши со 16, а Учена Офоха со девет, додека, пак, во тимот на Штип УГД, Махди Задмард се истакна 15, Махди Абхар со 11 и Стефан Алексов со 10 поени, не доволно да се спречи петтиот пораз во седмиот меѓусебен натпревар со ривалот сезонава.

Следниот натпревар од финалето е в четврток во Штип, со триумф Струмица 47&72 ќе слави конечен успех, а доколку штипјани забележат победа, тогаш ќе има „мајсторка“ кај актуелниот првак.

Финале (мажи) – до три добиени натпревари

Струмица 47&72 – Штип УГД 3:1 (25:19, 25:18, 23:25, 25:22)

Штип УГД – Струмица 47&72 3:1 (30:28, 17:25, 25:20, 25:21)

Струмица 47&72 – Штип УГД 3:1 (25:18, 15:25, 25:17, 25:15)

Штип УГД – Струмица 47&72 (четврток 25.04.2024)

Струмица 47&72 – Штип УГД (недела 28.04.2024)