Германската полиција спроведува голема акција против десничарските екстремисти кои наводно планирале да упаднат во зградата на парламентот и да ја соборат владата, а оваа акција ја вежбале со употреба на оружје.

Во рацијата под кодно име „Сенка“ учествувале 3.000 припадници на полицијата кои извршиле претрес во 137 објекти во сопственост на 52 осомничени. Уапсени се 25 осомничени членови на оваа екстремистичка организација.

Според сознанијата на полицијата меѓу плановите на осомничените биле, меѓу другото, и изведување „вооружен напад на Бундестагот и приведување политичари“.
Меѓу уапсените има и членови на екстремистичкото движење „Рајхсбиргер“ (Граѓани на Рајхот), кои извесно време се под истрага на полицијата поради насилни испади и расистички теории на заговор. Весникот „Билд“ наведува дека меѓу уапсените осомничени водачи на групата е и Русинот Виталиј Б.

BKA-Kräfte durchsuchen seit den frühen Morgenstunden gemeinsam mit Polizeikräften aus BY, BW, BE, BB, HE, HH, NI, NRW, RLP, SL, SN, TH und BPol im Auftrag des @GBA_b_BGH die Räumlichkeiten von über 50 Beschuldigten. (1/4) pic.twitter.com/VY8WbY8P4R

— Bundeskriminalamt (@bka) December 7, 2022

Членовите на тоа движење одбиваат да ја признаат модерната германска држава и сакаат да ја заменат со државен систем по моделот на Германија во 1871 година.

Чов екот опишан како принц и наречен Хајнрих XIII (71) се споменува како клучна личност за нивните планови. Федералните обвинители соопштија дека се упасени наводните водачи во 11 германски покраини.

Осомничените се уапсени во германските покраини Баден-Виртемберг, Баварија, Берлин, Хесен, Долна Саксонија, Саксонија, Тирингија, како и во Австрија и Италија, соопшти канцеларијата.

Тие планираа да ја обноват монархијата
По пучот, екстремистите наводно сакале да формираат влада. Новиот владин апарат според нивните планови требало да се формира како „кнежевство“ според монархиски принципи и да се подели на различни министерства.

This is insane: Nationwide raids against far-right group alleged to have planned a coup in Germany. 3000 police officers involved, 52 accused, 25 arrested. Former far-right AFD politician was to become ‘Minister of Justice’ after a violent coup.https://t.co/wYeeZpX8py

— Jannes Tessmann (@JannesTessmann) December 7, 2022

Во рамките на групата веќе биле одредени одговорните раководители за одделни одделенија. Тоа, според нивните критериуми, треба да бидат луѓе на влијателни позиции и општествено или финансиски силни, во одредени области од јавниот живот. Во плановите за пуч биле вклучени и поранешни војници на Бундесверот, меѓу нив и поранешни припадници на елитните специјални сили.

Заговорниците, соопшти федералното обвинителство, верувале дека можат да ги постигнат своите цели само со „воени средства и насилство врз претставниците на државата“, што вклучувало и убиства и ликвидации.

Германската јавна телевизија ЗДФ објави дека во заговорот бил вмешан и поранешен екстремно десничарски пратеник во Бундестагот, кој според плановите на пучистите требало да биде именуван за министер за правда. „Принцот Хајнрих“ требал да биде лидер на Германија по државниот удар.

„Билд“ наведува и дека неколку лица од уапсените поседуваат легални дозволи за пронајденото оружје.
За време на рација во Баварија во 2016 година, таканаречените граѓани на Рајх застрелаа четворица полицајци, од кои еден им подлегна на повредите во болница.