Просечната каматна стапка на новопримените депозити на домаќинствата во јуни изнесувала 2,87 проценти, што е зголемување за 2,17 проценти во однос на пред една година. Поумерено зголемување има и на вкупните депозити кај домаќинствата. Каматата во јуни изнесувала 1,34 проценти што е годишен раст од 0,69 процентни поени, покажуваат новите податоци на Народната банка.

Корпоративниот сектор има повисоки камати за депозитите и просечната стапка за вкупните депозити во јуни била 1,99 проценти, со што е реализиран годишен раст од 1,02 процентни поени. За новите депозити во јули, каматата во корпоративниот сектор е 2,11 проценти и бележи раст од 0,58 процентни поени на годишна основа.

Раст на каматите има и кај кредитите, но тој е поголем. Така, просечната камата на вкупните кредити во корпоративниот сектор во јуни е 4,86 проценти, што е раст од 1,42 процентни поени. Новоодобрените кредити се со камата од 5,26 проценти и со тоа е реализиран раст од 1,58 процентни поени.

Кај домаќинствата, пак, просечната камата на вкупните кредити е 5,35 проценти, што е за 0,31 процентни поени повеќе отколку во ланскиот јуни. И покрај притисокот од Народната банка преку раст на основната камата, новоодобрените кредити се со пониска камата од просечната камата на вкупните кредити и во јуни нивниот просек изнесувал 5,27 проценти, што е годишно зголемување за 0,76 процентни поени.

Каматната стапка на благајничките записи достигна 6 проценти. Во март 2021 година, таа беше 1,25 проценти и оттогаш постојано се зголемува како мерка за ублажување на инфлаторните движења.