Во употреба е пуштен новиот парк во Расадник, кој се протега на површина од над 3000 метри квадратни, а за чија изведба беше задолжено ЈП „Паркови и зеленило“.

Граѓаните на општина Бутел добија нова зелена површина, нова зелена вегетација, нанесена е висококвалитетна почва, формиран е тревник со посебен систем за полевање капка по капка, а поставени се и хидранти и прскалки со што ќе се овозможи континуирано одржување на паркот.
Она што до пред само некој месец беше запуштено место, денес е нова урбано уредена површина – информира градоначалникот Дарко Костовски.

Тој најави дека наскоро во употреба ќе биде пуштено и фудбалското игралиште кое ќе биде со специјална подгола, со што целиот овој потег ќе добие сосема нов лик.