„Нема да лаам, туку ќе направам масакр и тоа поголем од Младеновац“, насилството во Србија не запира, уапсен 53 годишен белграѓанец
Според наредбата на Јавното обвинителство, судот му одреди притвор на 53 годишен белграѓанец, со иницијали Л.Н. поради заканите што ги упатувал на работното место: „Нема да лаам, туку ќе направам масакр овде и тоа поголем од Младеновац, објави Нова.рс.
При претресот во куќата на осомничениот, пронајдена е муниција и тоа куршуми калибар 7, калибар 84, калибар 62 мм, соопшти обвинителството.
Според решението на обвинителството во Белград, тој се товари за загрозување на безбедноста, недозволено изработување, држење, носење и тргување со оружје и експлозивни материи.
Во врска со ова, по распитот на осомничениот, обвинителството предложи триесетдневен притвор, бидејќи постојат посебни околности кои укажуваат дека тој ќе се меша во постапката, со влијание врз сведоците.