Веднаш по елиминацијата на Баерн Минхен и пласман на неговиот ПСЖ во полуфиналето во ЛШ, Нејмар се огласи во јавноста и конечно стави крај на шпекулациите за неговата иднина.
– Воопшто нема дилеми дали ќе го продолжам договорот со ПСЖ. Очигледно е дека тука се чувствувам одлично, како да сум дома.  Посреќен сум отколку што некогаш сум бил – изјави Нејмар.

Договорот на Бразилецот со ПСЖ му истекува идната година поради што започнаа шпекулациите дали се враќа во Барселона од каде во 2017 година за рекордни 222 милиони евра премина во францускиот тим. Шпекулациите за неговото враќање на „Камп Ноу“ траат веќе неколку години, а за најголем дел од нив заслугите одат токму на негова смета бидејќи често во јавноста навестуваше дека не е среќен во Париз и дека сака да се врати во Барселона.
Сепак, по победата над Баерн Минхен, Нејмар повторно ја смени плочата и сега вели дека е среќен во ПСЖ и ќе потпише нов договор.