Недостиг на храна поради Брегзит во Северна Ирска
Првата министерка на Северна Ирска Арлин Фостер денеска изјави дека Демократската унионистичка партија (ДУП), која таа ја предводи, ја предупредува британската Влада за можни проблеми, поврзани со границата со Ирска по транзицискиот период по Брегзит.
– Премиерот (Борис) Џонсон ни вети дека нема да има потешкотии, но со оглед на протоколот и сите тешкотии што ги видовме на теренот, јасно е дека тоа ќе се случи. Сè беше јасно однапред, рече таа за Би Би Си Радио 4.
Претходно оваа недела, ирскиот министер за надворешни работи Симон Кауни истакна дека недоследностите по Брегзит се одговорни за недостигот на храна во Северна Ирска, а не пандемијата на коронавирусот, како што тврдат некои британски политичари.
Британската секретарка за меѓународна трговија Лиз Трас подоцна призна дека Брегзит придонел за проблемот.
Извор:МИА