4 C
Скопје

Не е лошо ако ви паднат антителата за коронавирус: Финтата е во мемориските клетки

Појасниот увид во фактот дека нивото на антитела може брзо да исчезне кај луѓето кои имале коронавирус, не мора да биде лоша вест за имунитетот, изјавија денеска британски експерти додавајќи дека „тоа не значи автоматски дека заштитата со вакцина ќе биде слаба или краткотрајна”.

Експерти за имунологија и вируси предупредуваат дека не треба многу да се чита за нивото на антитела во крвта на пациентите кои го прележале вирусот, бидејќи антителата не се единствениот систем на имунолошка одбрана.

– Концентрацијата на антитела во крвта не значи колку е силен вашиот имунитет, рече Еленор Рајли, професорка по имунологија и заразни болести на Универзитетот во Единбург.

Таа и нејзините колеги велат дека исчезнувањето на антителата во крвта не објаснува како организмот гради имунитет за инфекции.

Прочитајте и...  Оваа 2020 една од трите најтопли години

– Имунитетот не е нешто што можеме да го поистоветиме со нивото на антитела или одговорот на Т-клетките. Имунитетот е систем кој работи на друг начин и следниот пат кога ќе се сретнете со инфекција, не мора да значи дека ќе ја закачите, а ако ја закачите не мора да значи дека ќе се разболите посериозно. Тоа се нарекува заштитен имунитет, рече Рајли.

Затоа, многу потенцијални вакцини против Ковид-19 се направени за да изградат посилен имунитет со „повикување” на посилна таканаречена „имунолошка меморија”.

– Антителата се генерално краткотрајни, бидејќи штом ја завршат работата, на вашето тело повеќе не му требаат, рече Џонатан Стоје, главен вирулог на британскиот институт „Френсис Крик”.

Прочитајте и...  Состојбата со ковид-19 под контрола, здравствениот систем се подготовува за вакцинација

Стоје додава дека тоа не значи дека имунитетот трае кратко.

– Таканаречените мемориски клетки можат да реагираат сосема добро во борбата против нова инфекција, рече тој.

После Ковид-19, научниците сè уште не знаат колкава количина од имунолошкиот систем ќе се покаже како доволна.

Сепак, многу производители на вакцини укажуваат на одговорите на антителата и Т-клетките, на кои се гледа како важни за долгорочен имунитет.

– Имунолошкиот систем е многу комплициран. Знаеме дека антителата исто така се важни, но не е сè во антителата. Важна работа се имунолошките мемориски клетки, изјави Лоренс Јанг, професор по молекуларна онкологија на Универзитетот Варвик во Велика Британија.

Поврзани вести

Германија ги продолжува ограничувањата поради пандемијата до јануари

Слободен печат

ВИДЕО I Заев: Конвенцијата на ОН за правата на лицата со попреченост се имплементира со силно темпо, продолжуваме според принципот „ништо за нив – без нив”

Слободен печат

Градоначалникот на Лос Анџелес им нареди на жителите да останат во домовите поради ковид-19

Слободен печат

Пожар во болница во Москва: Најмалку две лица загинаа, повеќе од 20 се евакуирани

Слободен печат

АМСМ: Сообраќајот по наместа влажни коловози

Слободен печат

Полициска операција во Рим, уапсени се 28 членови на криминална организација

Слободен печат

Остави Коментар