Научниците објаснија што се случува во мозокот на тинејџерот кога родителот го критикува
Родителите кои се склони да ги критикуваат своите деца често не сфаќаат дека им прават многу повеќе штета отколку корист.
Група невронаучници од Универзитетот во Питсбург, Калифорнија-Беркли и Харвард одлучиле да истражат како родителската критика влијае на тинејџерите, особено на нивниот мозок. Во студија во која учествувале 32 тинејџери и 22 тинејџерки, научниците дошле до неверојатно откритие.
Истражувачите се фокусирале на три специфични мозочни мрежи во мозокот на тинејџерите, области кои претходно биле поврзани со обработка на негативни емоции, области вклучени во регулација на емоциите и таканаречени нервни области вклучени во разбирањето на перспективите на другите луѓе.
Тие набљудувале колкава активност се случувало во овие области кога тинејџерите ги слушале своите родители, особено своите мајки, како ги критикуваат, во споредба со тоа кога ги слушале своите мајки како зборуваат за „неважни“ работи, како купување намирници. Тие, исто така, погледнале дали и потоа продолжиле некои промени во активноста на мозокот.
Како што покажале резултатите, кога тинејџерот ќе ја слушне критиката на родителот, неговиот мозок буквално се гаси на неколку моменти. Поточно, кога слушале критики, мозокот на тинејџерите покажувал поголема активност во областите што се вклучени во негативните емоции, но и значително намалена активност во регионите вклучени во размислувањето, емоционалната контрола и заземањето на туѓо гледиште.