Најпребарувана личност за моден стил: Адам Сендлер на врв на листата на Гугл
Тргнете се настрана, Кардашијан и Хадид: Во градот има нова стилска икона на уличната мода – и тоа, ни помалку ни повеќе, туку актерот кој е познат по своите релаксирано кажани непристојни шеги!
Според извештајот на „Google Year in Search“ за 2021 година, кој ги собира врвните трендовски пребарувања за годината низ категориите, вклучително и вести, забава, спорт и повеќе – Адам Сендлер е А-листер чиишто појавувања навистина не можеше да изостанат од гуглање.
55-годишниот крал на комедијата се најде на врвот во категоријата „аутфити на славните личности“ оваа година, пред повеќе очекувани имиња како Бритни Спирс која е на второто место, Хари Стајлс на шестото и Лизо на деветото.
И додека актерот можеби не е познат по поместувањето на модните граници на црвените килими или објавувањето селфија на Инстаграм во дизајнерски изгледи од глава до пети, оваа актуелност не е сосема изненадувачка, бидејќи неговите секојдневни облеки редовно успеваат да бидат на насловните страници.
Уште во април, актерот облече голем црвен дуксер од Норт Фејс, широки кошаркарски шорцеви и патики за да ја посети локацијата на „IHOP“ на Лонг Ајленд – само за да замине откако му беше кажано дека треба да чека половина час за маса. можеби затоа што неговиот опуштен изглед не врескаше „Холивуд“.
Потоа, тука е добро документираната љубов на Сендлер за облеката со кошаркарски стил. Во мај, фотографија од неговиот стил стана вирална откако тој ги покажа своите стајлинг вештини во огромна розова поло кошула и преголеми шорцеви „Under Armour“, на големо задоволство на социјалните мрежи.
„Нема да лажам, Адам Сендлер е модна икона? Тренд-сетер? Да се осмелам да го опишам моментот?“ Еден фан твитна истиот месец, додека друг напиша: „Луѓе кои ја „сакаат“ модата, но го навредуваат Адам Сендлер… очигледно дека немате вкус“.
Неговата естетика е хит и на „TikTok“, како што ќе докаже брзото пребарување на терминот „Sandlercore“. Изгледа дека кул тинејџерите не можеа да се заситат од препознатливите поло на риги, спортските XXL шорцеви и спортските чорапи на забавниот актер.
Избраната униформа на Сендлер е особено интригантна ако се земе предвид неговата проценета нето вредност од 420 милиони долари; не е како да не може да си дозволи шопинг (или 10) во Том Форд.
Но, неговото целосно непочитување на трендовите и посветеноста на удобноста го прави неговиот изглед. Во морето од познати фраери кои им плаќаат на стилистите да ги облечат во идентични костуми, Сендлер секогаш изгледа баш како самиот себе – па токму тоа е поим кој вреди да е изгуглан.