Најмалку 50 луѓе загинале во торнадото во Кентаки
Најмалку 50 луѓе загинаа во разорното торнадо во американската сојузна држава Кентаки, изјави денеска гувернерот на таа држава Енди Башир, објави Си-Ен-Ен.
„Се плашам дека има повеќе од 50 мртви во Кентаки… веројатно сме поблиску до 70 до 100 мртви, тоа е страшно“, рече гувернерот на прес-конференција.
Во синоќешното торнадо, најтешко беше погоден округот Грејвс, вклучително и градот Мејфилд, каде се наоѓа фабрика чиј покрив се урнал. Во тој град беа испратени цистерни со вода, за луѓето да имаат што да пијат.
„Имаме фабрика во Мејфилд каде се урна покривот. Таму ќе имаме многу жртви“, рече гувернерот.
Бројни торнада и бури синоќа погодија неколку сојузни држави на средниот запад и југоисточниот дел на САД, вклучувајќи ги и државите Арканзас, Кентаки, Мисури, Илиноис и Тенеси.
Во Тенеси најмалку три лица ги загубија животите, додека во северниот дел на Арканзас едно лице загина, а најмалку пет се повредени при оштетување на покривот на дом за стари лица.
Властите на Илиноис соопштија дека голем број луѓе останале заробени во магацинот на Амазон кога делумно се урна покривот. Властите и медиумите наведуваат дека околу стотина луѓе останале заробени во магацинот кој бил уништен од невремето. Тие работеа ноќна смена.
ВИДЕО: САД погодени од 19 торнада, силното невреме направи огромна штета