Вкусен колач можете да направите за кратко време, без многу комплицирани состојки, помагала и филозофија. Овој колач со круша е еден од тие десерти.

Подготовката е толку едноставна така што можат да ја совладат и најголемите аматери. Процесот е дополнително олеснет со употреба на брашно што само нараснува.

Ако го немате при рака овој производ, можете да го направите сами – на 100 грама мазно брашно додадете една лажичка прашок за печиво и прстофат сол.

Ако немате круши, можете да користите и парчиња свежо јаболко. Важно е само да го измиете, излупите и исчистите пред да го ставите во колачот.

Состојки:

– 130 г брашно што се крева самостојно

– 130 г шеќер

– 130 г омекнат путер

– 2 големи јајца

– 1 лажичка екстракт од ванила

– 1-2 круши или јаболка

Подготовка:

Загрејте ја рерната на 180 степени Целзиусови.

Јајцата, шеќерот и путерот изматете ги во изедначена смеса со помош на миксер.

Просејте го брашното и додадете го во смесата. Мешајте додека не се соединат состојките.

Зачинете по желба со малку екстракт од ванила.

Намачкајте го калапот за колачи и на дното ставете ја крушата која сте ја излупиле и исечкале на помали парчиња.

Прелијте ја смесата за колачат врз овошјето и протресете ја содржината.

Печете го колачот во загреана рерна околу 30 до 40 минути или додека не се испече целосно. Со чепкалка за заби проверете дали колачот е готов пред да го извадите од рерна.

Изладете го колачот пред да го исечете и послужите. Добар апетит!