Најдобрите македонски одбојкари во пет сета го совладаа Израел во Кавадарци
Избраниците на селекторот Јошко Миленкоски во Кавадарци ги продолжија подготовките пред настапот на Европското првенство 2023.
Најдобрата македонска одбојкарска репрезентација денеска славеше во пријателскиот натпревар против Израел со резултат 3:2 во сетови.
Израелците ги освоија првите два сета со 17:25 и 22:25, а во следните три нашите одбојкари направија целосен пресврт (25:22, 25:19, 15:10).
Овој триумф сигурно ќе донесе уште поголема мотивација во оваа тренажна фаза пред континенталниот собир.
Новиот контролен меч македонската репрезентација ќе го има в петок, во салата „Јасмин“ ќе тестира против селекцијата на Јапонија.