Најважно е секогаш да бидеме свесни за ризиците на кои ги изложуваме нашите миленици кога го декорираме домот за новогодишните празници. Не се работи само за мали детали на новогодишните елки или аранжмани кои ги поставуваме на масите, полиците и во други делови од сдомот.

Дури и здравото иглолисно дрво крие многу опасности. Затоа, ветеринарите ги посочија најчесто користени украси кои можат да имаат последици за нашите домашни миленици.

Зимзелено дрво

Иако повеќето живи зимзелени дрвја како ела, борови и смреки не се токсични за животните, нивните игли кои паѓаат може да бидат голем проблем за вашето куче и мачка. Може да се заглават во шепите, да ја иритираат устата и да предизвикаат стомачни проблеми доколку се проголтаат во големи количини. Затоа, доколку имате домашно милениче, одлучете се за вештачко дрво.

Лажен снег

Некој сака да ја украсува елката со вештачки снег или да ја посипува на одредени делови од домот. Сепак, вештачкиот снег може да содржи некои состојки кои се токсични за домашните миленици. За да спречите главоболки поврзани со можноста за труење со вештачки снег кој лесно може да заврши во устата и стомакот на животно, избегнувајте ја оваа декорација, дури и лажни елки посипани со овој прав.

Украси кои може да се јадат

Додека малите обожаваат да гледаат чоколадни украси како висат од гранките на дрвото, во никој случај не смеете да ги ставате доколку имате домашно милениче. Ако навистина сакате да имате украси за јадење на дрвото, набавете ги оние што нема да му наштетат на вашето домашно милениче или ставете ги „забранетите“ украси високо на дрвото, но само ако сигурни сте дека кучето или мачката нема да се обидат да ги допрат.

Природна декорација

Некои украсни празнични растенија имаат различно ниво на токсичност, но ако животното ги касне, во најбезболен случај, ќе го лекувате вашето домашно милениче од дијареа на новогодишната ноќ. Бидете внимателни при изборот на вашите празнични растенија – боцки, зеленика, имела и бршлен можат да предизвикаат стомачни тегоби што ќе ви зададат многу главоболки.

Стаклени лампиони

Фините стаклени лампиони се најубавиот украс на секоја новогодишна елка, но и најлошиот кошмар доколку се скршат и не сте присутни на време да ги соберете фрагментите.

Ако животното проголта парчиња скршени стаклени лампиони, тоа може да биде и болно и опасно: покрај ризикот од исеченици на шепите или во устата, можно е и полошо сценарио, во вид на рани во грлото и внатрешни повреди.

За да заборавите на стравот од повреда, труење и какви било други неволји за време на претстојните празници, покрај горенаведените превентивни мерки, обезбедете му на кучето мирно катче во домот доколку поканите пријатели на вечера.