Млада италијанска одбојкарка пронајдена мртва пред хотел во Истанбул
Во текот на изминатата ноќ животот го загуби младита 18-годишна италијанска одбојкарка Јулија Итума во Истанбул каде нејзиниот тим Новара играше против турскиот Ејзаџибаши во полуфиналето на Лигата на шампионите.
Одбојкарката паднала од прозорецот на хотелската соба, а причините кои довеле до трагичниот настан и натаму не се познати за истражните органи во Турција.
Турските медиуми пишуваат дека одбојкарката си го одзела животот „скокнувајќи од шестиот кат на хотелот“, а потоа додаваат дека истрагата е во тек, а ќе се прегледаат и камерите кои треба да обезбедат повеќе информации за смртта.
Нејзината цимерка во таа соба тврди дека спиела и не слушнала ништо, а за страшната вест ја известила полицијата која ја разбудила.
Телото на несреќната Јулија било пронајдено утрото во 5 часот и 30 минути пред хотелот.