МИЛИОНСКИ ДОГОВОР: Словенечка компанија во Индија продаде речиси 200 електрични авиони – Слободен печат
ВестиРегион

МИЛИОНСКИ ДОГОВОР: Словенечка компанија во Индија продаде речиси 200 електрични авиони

Во соопштението за јавноста се наведува дека „Пипистрел“ ги исполниле условите за испорачување, додека услугите како што се одржувањето, поддршка за купувачите и испорака на резервни делови ќе бидат обезбедни долго по завршување на оваа прва фаза.

Словенечкиот производител на ултралесни електрични авиони „Пипистрел“, на индиското Министерство за одбрана му испорача речиси 200 летала, објави компанијата, а пренесе „Б92“.

„Пипистрел“ преку соопштение за јавноста рече дека ја испорачале последната пратка, по примањето на порачката која изнесувала вкупно 194 авиони, пренесе „СТА“.

Сопственикот на компанијата Иво Боскарол рече дека „големите играчи“ во воздухопловната индустрија го предупредиле оти е невозможно да се соработува со Индија и дека никогаш нема успешно да го заврши договорот.

– Сите ние, работејќи заедно како тим, успеавме да го направиме тоа. Ова ни донесе голема почит не само во Индија, туку и во военото опркужување. Овој договор ќе ни отвори многу врати за во иднина – рече Боскарол.

Во соопштението за јавноста се наведува дека „Пипистрел“ ги исполниле условите за испорачување, додека услугите како што се одржувањето, поддршка за купувачите и испорака на резервни делови ќе бидат обезбедни долго по завршување на оваа прва фаза.

Кога го потпишаа договорот во 2015 година, тоа беше најголемата нарачка за ултралесни летала било кога во светот. Компанијата не откри конкретни податоци, но индиските медиуми објавија дека наводно станува збор за договор вреден 20 милиони американски долари.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close