Холивудскиот актер Мет Дејмон (55) неодамна откри дека ослабел многу за улогата во филмот „Одисеја“.

Мет зборуваше за својата физичка трансформација во најновата епизода од поткастот „Нови височини“ на Џејсон и Тревис Келси, каде што открил дека ослабел на 76 килограми, тежината што последен пат ја имал во средно училиште.

Разговарајќи со браќата Келси, Дејмон се осврнал на фотографија од снимањето што неодамна кружеше на интернет, на која се чини дека е во одлична форма.

– Да, навистина бев во одлична форма. Изгубив многу тежина. Режисерот Кристофер Нолан рече дека сака да бидам слаб, но силен. Тоа е чудна работа – рекол тој.

Дејмон објаснил дека губењето на тежината се должи и на промените во неговата исхрана.

– Го направив ова откако разговарав со мојот лекар, буквално се откажав од глутен. Претходно имав 83 до 90 килограми, а целиот филм го снимав со 75 килограми. Не сум бил толку лесен од средно училиште. Значи, тоа беше многу тренинг и навистина строга диета – објаснил тој.

Кога Травис го прашал дали ангажирал нов тренер, Дејмон рекол дека веќе има тренер кој „може да направи скоро сè“.

Тој нагласил дека клучно е да има јасна цел, споредувајќи ја сопствената подготовка за улоги со тренингот на браќата Келси за сезоната на НФЛ.

– Кога го правам тоа или кога снимав филмови со Џејсон Борн или што и да е, речиси се чувствував како да тренирам за сезоната. Замислувам како е за тебе кога се подготвуваш. Тоа е како дел од твојот ден. Тоа е дел од твојата работа, нели? Некако го градиш денот околу сето тоа. Тоа е еден вид физичка страна на подготовката – рекол актерот.

Дејмон, исто така, открил дека сè уште не се вратил на исхраната со глутен.

– Готово е. Престанав да јадам глутенска храна. Најдов безглутенско пиво. Помина толку долго откако не јадам глутен што не можам да кажам дали е добро или не. Тоа е добар знак – открил тој.

Минатиот месец, „Јуниверзал пикчрс“ објави трејлер за филмот „Одисеја“, адаптација на истоимената старогрчка поема на Хомер. Филмот е опишан како митски акционен еп снимен низ целиот свет со користење на сосема новата „АјМАКС“ филмска технологија.