Германската канцеларка Ангела Мергел ја изрази својата загриженост поради состојбата во Авганистан, откако талибанците де факто ја преземаа контролата над целата држава, пренесува Билд.

„Доживуваме тешки часови, сега мораме да се фокусираме на спасувањето“ изјави Меркел.

Канцеларката исто така коментираше и за состојбата на аеродромот во Кабул, нагласувајќи дека обезбедувањето е можно само со американските војски,а тоа покажува „што можеме а што не можеме да направиме“.

„Дојде до домино ефект по повлекувањето на американските сили од Авганистан“ констатираше Меркел во првата изјава поврзана за состојбата во Авганистан.

Таа зборуваше и за можниот бран од мигранти кои би ја погодил Европа, додавајќи дека сега состојбата со Авганистанците и нивното напуштање на земјата зависи од Талибанците и од состојбата на границите.