МекМанус: Миовски е доволно добар да игра за Селтик или Ренџерс
Бојан Миовски и сезонава има добри настапи во дресот на шкотскиот Абердин иако резултатите на клубот не се најдобри на домашната и меѓународната фудбалска сцена.
Македонскиот репрезентативец веќе има девет голови сезонава, а лани запиша вкупно 18.
Тамошните медиуми пренесуваат дека Селтик би можел да бара други опции за во нападот. Абердин поминува низ тешка сезона и моментно е на 10 позиција во шкотската Премиер лига. Но, тоа не го спречува Миовски да продолжи да ги тресе противничките мрежи.
Според Тем Мекманус, шкотски аналитичар и коментатор, нашиот напаѓач е на нивото на најголемите фудбалски клубови на таа земја, Селтик и Глазгов Ренџерс.
– Мислам дека тој е навистина добар и талентиран играч, умен, навистина добар напаѓач. Селтик или Ренџерс, мислам дека е на тоа ниво. На теренот може да придонесе за Селтик и Ренџерс. Не се обидувам да го продадам. Но, Абердин ќе се мачеше да го задржи, бидејќи тој сè уште постигнува голови во тим кој е прилично слаб, моментално и неконзистентен – вели МекМанус.