Медведев со пресврт до триумф над Хуркач на стартот од завршниот мастерс
Рускиот тенисер Данил Медведев со победа го започна настапот на завршниот мастерс во Торино, откако актуелниот шампион во првото коло во црвената група со 6:7,6:3,6:4 го совлада Хуберт Хуркач.
Медведев и Хуркач одиграа одличен меч на отворањето на турнирот, а подобар на стартот беше дебитантот Хуркач кој го освои првиот сет во тај-брејкот. И двајцата тенисери беа сигурни на својот сервис и само еден гем се играше на разлика, но Хуркач не дозволи брејк топка.
Title defence underway 💪@DaniilMedwed fights from a set down to beat Hurkacz 6-7, 6-3, 6-4 to start his #NittoATPFinals campaign! pic.twitter.com/RgajIivd10
— ATP Tour (@atptour) November 14, 2021
Одличниот сервис на двајцата сервис ги однесе во тај-брејкот каде подобро се покажа полскиот тенисер, Хуркач поведе со 6:2, но ја искористи дури четвртата сет топка за 7:5 и водство во сетови.
Во вториот и третиот сет, Медведев го крена нивото на играта и имаше контрола на мечот. Уште на самиот старт од вториот сет направи брејк и поведе со 2:0 по што со сигурен сервис го освои сетот. Во одлучувачкиот трет сет идентична слика од вториот, Медведев направи брејк во вториот гем и потоа со сигурен сервисја зачува предноста до крајот на мечот.
И статистиката беше на страната на Медведев кој имаше 15 ас сервиси, наспротив 12-те на Хуркач, а интересно е што Русинот ниту еднаш не се соочи со брејк топка. И двајцата тенисери имаа по 31 винер, но Медведев имаше само осум неизнудени грешки наспроти 17-те на Хуркач.