Масовна антикорупциска акција во Албанија: Приведен градоначалникот на Лушње

Специјалното обвинителство на Албанија (СПЕК) денеска ја започна најавената масовна антикорупциска акција заедно со припадниците на специјалната полициска единица за брзи интервенции. Денеска во Лушње тие приведоа шест лица, меѓу кои и градоначалникот Фатос Туше.

Туше е под сомнение за злоупотреба на тендери, а под три лица сеуште се трага. Сите приведени се дел од општинската администрација, повеќето од секторот за катастар.

Првиот човек на СПЕК, Арбен Краја, вчера ја најави големата антикорупциска операција, во која ќе се апсат службеници за проневера на јавните фондови во многу општини во Албанија.

Градоначалникот Туше на оваа функција е од 2011-та година. Просториите на општините се под контрола на полицијата, а ќе биде извршен и претрес во домовите на приведените.

Видео на денот